CAUAYAN CITY – PASOK BILANG ISA SA 20 BAGONG BOOK NOOK SITES PARA SA 2025 NG NATIONAL BOOK DEVELOPMENT BOARD (NBDB) ANG ISABELA MUSEUM AND LIBRARY (IML).
BILANG OPISYAL NA BOOK NOOK, MAKATATANGGAP ANG IML NG MAHIGIT 1,000 AKLAT NA GAWA NG MGA PILIPINO, UPANG MAGING PUWANG NG PAGBABASA AT PAGKUKUWENTO PARA SA KOMUNIDAD. BAHAGI ITO NG ADBOKASIYA NG NBDB NA ISULONG ANG LOKAL NA LITERATURA.
BAGO MAGING ISANG KWALIPIKADONG SITE, DUMAAN ANG MGA KAWANI NG IML SA TUKLAS DUNONG TRAINING AT NAKAPASA SA MGA KINAKAILANGANG DOKUMENTO GAYA NG SUSTAINABLE ACTION PLAN AT MANUAL OF OPERATIONS.
MATATAGPUAN SA BARANGAY OSMEÑA, ANG IML AY BUKAS LUNES HANGGANG BIYERNES, 8:00 AM HANGGANG 5:00 PM, AT PATULOY NA NAGSISILBING SENTRO NG KAALAMAN AT KULTURA SA ISABELA.
