Vice Mayor Cherrylyn Akbar hunto con el City Agriculturist Gina Alberto ya encabeza este dia na distribution del agricultural inputs con el maga siembrador na Ciudad de Isabela.
El assistencia que ya entrega este dia con el maga beneficiaro parte del 5 milyon de pesos fondo que ya dale el Department of Agriculture con el Govierno Local durante el visitada di Presidente Rodrigo Duterte na Larbeco, ciudad de Lamitan del mes de Hulyo del anyo pasao.
El fondo que ya dale el govierno naccional, siguiendo con el pedido que ya ase el Vise Alcalde Cherry Akbar na oficina del Presidente Rodrigo Duterte pormedio del un council resolution del conseho local.
Mayoria del maga beneficiario quien ya recibi con el maga assistencia amo aguellos di quien maga plantasyon de pono’y coco el ya akaba perwisya con el empermedad de Scale Insect o Cocolisap
