Cagayan De Oro, Philippines – Isang abogado at nakilalang Filipino long-distance swimmer, pitong oras na nilangoy ang dagat mula Camiguin province papuntang Balingoan port, Misamis Oriental.
Nilangoy ng pitong oras at 47 minuto ng isang lawyer ang dagat mula Camiguin province, papuntang Balingoan Port, Misamis Oriental.
Nakilala ang naturang abogado na si Atty. Ingemar Macarine, kilalang Filipino long-distance swimmer, marathoner at environmental lawyer.
Ayon kay Atty. Macarine na nagsimula siyang lumangoy sa Guinsiliban Port, Camiguin Province papunta sana ng Balingoan port, ngunit dahil sa lakas ng alon ng tubig, nagdesisyon na lang siyang huminto sa isang beach sa Talisayan Misamis Oriental.
Dagdag pa ni Atty. Macarine na ang naturang paglangoy ay para sa kapayapaan sa Mindanao.
DZXL558
