Nasunog ang isang tindahan ng cake sa may bahagi ng Alvarado Extension, La Torre Street, Brgy. 259, sa Tondo, Maynila.
Sa imbestigasyon ng Manila Fire Department, nagsimula ang sunog alas-2:00 ng madaling araw.
Halos 30 minuto tumagal ang sunog bago tuluyang naapula kung saan umabot lamang ito ng unang alarma.
Wala naman nadamay na katabing bahay dahil sa nagtulong-tulong ang mga residente para maapula ang apoy bago dumating ang mga bumbero.
May ilan namang nagta-trabaho sa nasabing tindahan ng cake ang bahagyang nasugatan dahil sinikap nilang lumabas sa bintana kahit na medyo may kataasan ito.
Hindi naman nagbigay ng pahayag ang may-ari ng tindahan ng cake habang patuloy na iniimbestigahan ng mga otoridad ang pinagmulan ng apoy at kung magkanong halaga ng ari-arian ang natupok.
