Timbog ang isang lalaking construction worker na tulak umano ng droga sa Taguig City, matapos isagawa ang buy-bust operation laban sa kanya pasado alas-7:15 kagabi.
Nakilala ang suspek na si Rodolfo Datiles Jorje, 42-anyos at residente ng Barangay Rizal Makati, City.
Nakuha mula sa kanya ang higit kumulang 6 grams ng umano’y shabu at may katumbas na halaga na ₱39,916.00.
Isinagawa ang nasabing operasyon sa kahabaan ng Kambal Buko, Barangay Calzada-Tipas, Lungsod ng Taguig, kung saan target na operasyon si Jorje.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Facebook Comments
