Cauayan City – Timbog ang isang lalaking estudyante sa ikinasang drug buy-bust operation ng Tuguegarao City Police Station, PDEA Regional Office II, at 1st Cagayan Provincial Mobile Force Company.
Ang suspek ay kinilalang si alyas “Tony” 28-anyos at residente ng nasabing lugar.
Nakumpiska mula sa suspek ang dalawang sachet ng pinaniniwalaang shabu, Android phone, at isang motorsiklo.
Ayon kay Police Colonel Mardito G. Anguluan, ang operasyon ay bahagi ng mas pinaigting na kampanya laban sa iligal na droga sa probinsya.
Ang suspek ay isinailalim sa drug test at medical examination bago dalhin sa Tuguegarao City Police Station para sa kaukulang legal na proseso.
Samantala, mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
