Wasak ang kaliwang bahagi ng isang kotse na sumalpok sa center island pababa ng flyover sa southbound ng Roxas Boulevard sa Pasay City kaninang alas-7:00 ng umaga.
Sakay nito ang apat na magkakaibigan at isang bata, kung saan ayon sa isa sa mga sakay ng kotse ay bigla na lang daw nahilo ang nagmamaneho nito at sumigaw ng hand-break at biglang isinalpok ang sasakyan sa center island ng fly-over pababa sa Roxas Blvd.
Wala namang nasugatan sa mga sakay ng kotse.
Nagdulot ang aksidente ng mabagal na daloy ng trapiko sa isang lane pababa ng flyover.
Kaya ang isang concerned citizen na sakay ng motorsiklo ay agad nang tumulong upang itabi ang kotse sa gilid habang naghihintay ng tulong mula sa barangay at mga kaibigan ng sakay ng sumalpok na kotse.
Facebook Comments
