Kalaboso ang isang 22-anyos na lalaki matapos ikasa ng mga otoridad ang drug buy bust operation sa Cashmere St., Vergonville Subdivision, Brgy. Pulang Lupa 2, Las Piñas City.
Nakilala ang suspek na si Jasper Ragay na residente ng nabanggit na lugar.
Nabatid na ikinasa ng Las Piñas City Police Station ang operasyon laban sa suspek matapos makatanggap ng impormasyon na pasimple pero talamak itong nagbebenta ng marijuana sa kanilang subdivision at sa kalapit na barangay.
Nakumpiska sa suspek ang tatlong maliliit na sachet at dalawang plastic ng marijuana na may street value na P26,400.
Aminado si Ragay na nagbebenta ng marijuana para magkaroon ng pera lalo na ngayong wala siyang mahanap na trabaho.
Facebook Comments
