Balete, Aklan – Sugatan ang isang matandang babae matapos mabundol ng motorsiklo na minamaneho ng isang pari sa Barangay Calizo, Balete, Aklan.
Kinilala ang biktima na si Fredizwenda Perez, 88-anyos, residente ng naturang lugar na nagtamo ng sugat sa ulo.
Ayon kay PO3 Steve Ian Bautista ng Balete Police Station, sakay ng motorsiklo si Father Rafael Delfin galing sa simbahan nang bigla umanong tumawid ang matanda.
Sinubukan pa raw ni Fr. Delfin na iwasan at sigawan ang matanda pero posibleng hindi niya ito narinig at tumuloy pa rin sa pagtawid.
Kaagad namang isinugod sa Aklan Provincial Hospital ang biktima kung saan tiniyak ng pari na siya ang sasagot sa pagpapagamot nito.
Facebook Comments
