Manila, Philippines – Inaasahang ilalabas na ni Coach Shaq Delos Santos ang official line-up ng mga players na bubuo sa national women’s volleyball team.
Kagabi ay nagkaroon ng deliberasyon ang coaching staff kung sinu-sinong mga players ang kanilang kukunin pero ngayon araw nila ito ilalabas.
Ikinatuwa naman ni Coach Shaq ang attendance ng mga players na nag-practice kahapon kung saan present sina Alyssa Valdez, Jia Morado, Jaja Santiago, Aby Maraño, Mika Reyes, Denden Lazaro, CJ Rosario, Maika Ortiz, Rhea Dimaculangan, Mylene Paat, Rebecca Rivera, Ces Molina at Myla Pablo.
Ang mabubuong team ang siyang sasabak sa Jakarta Palembang Asian Games sa August, Asian Cup sa September at Southeast Asian Games sa susunod na taon na gaganapin sa bansa.
