Isda makuha sa Surigao City dili na mamahimong ibaligya sa laing lugar

59

Dili na basta-basta mabaligya gawas sa Surigao city ang makuhang isda sa kadagatan sa maong syudad human nimando si Mayor Ernesto Matugas sa pag-regulate niini.
Sa gipagawas nga Executive Order No. 05-2020, gimando ni Mayor Matugas ang pag-regulate sa pagbaligya ug isda gawas sa ilang dakbayan gumikan sa nasinati nga ka-nihit sa supplay niini karong panahona.
Sobra kamahal ang presyo sa isda karon sa Surigao city gumikan sa kagamay sa supplay ug makasamot pa sa sitwasyon kung ang makuha nga isda sa ilang kadagatan ang didto ibaligya gawas sa Surigao city.
Gusto ni Mayor Matugas nga proteksyon ang mga Surigaonon batok sa kakulangon sa supplay sa isda.
Gitahasan sa opisyal ang buhatan sa City Agriculture ug City Public Market Administrator nga maoy magpatuman sa iyang kamandoan.
Nasayran nga ang Surigao city maoy usa sa kuhaan ug lab-as nga isda nga gibaligya sa kamerkadohan sa entero rehiyon sa Caraga. [image: ISDA 3.jpg]

Facebook Comments