Manila, Philippines – Ipinakilala na ni Pangulong Rodrigo Duterte ang bago niyang presidential aide.
Ito ay sa katauhan ng dating beauty queen at ngayon Police Senior Inspector Sofia Deliu.
Pabirong inutos ng Pangulo si Deliu na tumayo para makita siya ng madla.
Ayon sa Pangulo – si Deliu ang papalit kay dating Special Assistant to the President Christopher Go na tatakbo sa pagkasenador sa 2019 midterm elections.
Maaalalang hindi ito ang unang beses na nabanggit si Deliu sa talumpati ng Pangulo.
Nitong Marso, dinaluhan ng Pangulo ang kasal ni Deliu at Police Inspector Abdul-Bassar Abdurajak sa Zamboanga City.
Si Deliu ay sumali sa Miss Philippines-Earth noong 2015 para itaguyod ang adbokasiya ng PNP at nagtapos sa ika-15 pwesto.
Facebook Comments
