Pinaglaanan na ng pondo sa ilalim ng P5.024 trillion na 2022 national budget ang pagkakaroon ng sariling Virology Institute sa bansa.
Matatandaan na ang pagtatayo ng Virology Science and Technology Institute of the Philippines ay ang isa sa ipinapaprayoridad ni Pangulong Rodrigo Duterte sa Kongreso na mapondohan sa ilalim ng 2022 national budget.
Tinatayang aabot sa P983 million ang alokasyon para sa pagtatayo ng very important person (VIP) na nakapaloob sa P1.3 billion COVID-19 Research and Development ng Department of Science and Technology (DOST).
Ang VIP na inaprubahan na sa ikatlo at huling pagbasa ay nakatuon sa pag-aaral ng Virology Science and Technology Applications para sa mga halaman, hayop, at mga tao gayun pa man layunin din nito ay para makalikha ng bakuna mula rito sa hinaharap.
Samantala, kasama rin dito ang P140 million na alokasyon para sa pagpapalakas ng Philippine Genomic Information and Resource Hub para sa mas mabilis na pag-detect o pagtukoy sa mga variant ng COVID-19.
