Inilabas ng international terrorist organization na Islamic State ang video kung saan makikita umano ang leader na si Abu Bkr al-Baghdadi
Ito ang kauna-unahang pagkakataon na lumabas sa video ang lider ng ISIS sa loob ng limang taon.
Sa video, makikita ang isang lalaki na naka-casual outfit at nakaupo sa sahig na may katabing assault rifle.
Sinabi nito na tapos na ang laban sa Baghouz – ang huling bayan na kinubkob ng ISIS sa Syria, na nakalaya mula sa terror group nitong Marso.
Pinuri rin ng lalaki sa video ang serye ng pagsabog sa Sri Lanka na ikinamatay ng higit 250 katao nitong April 21.
Binanggit din niya ilang political events, kabilang ang pagkapanalo ni Benjamin Netanyahu sa Israeli elections, pagbibitiw ni President Abdelaziz Bouteflika sa Algeria at ang pagpapatalsik kay Sudan President Omar Al-Bashir.
