Davao City – Patay sa nahitabong engkwentro tali 27th Infantry Battalion ang nailang ISIS-Inspired Ansar Al-Khilafah Philippines (AKP) sub-leader nga si Basser Sahak alas-6:00 sa buntag sa milabay’ng adlaw nahitabo sa Sitio Gansidan, Brgy. Daliao, Maasim, Sarangani.
Si Sahak nailang responsable sa sunod-sunod nga gubot ug pagpamomba gani usa siya sa mga suspetsado nga gikasohan og Multiple Frustrated Murder may kalabutan sa IED explosion niadtong Setyembre 16, 2018 sa Purok Malipayon, Brgy. Apopong, General Santos City nga gikaangol sa walo ka mga indibidwal.
Dugang niini, ang napatay maoy responsible usab sa liquidation operation ug money-making activities diin siya ang nagdumala sa pinansyal nga aspeto sa AKP ug adunay direktang kontak sa lider sa ISIS-Inspired Dawla Islamiya Group nga si Abu Toraife nga nagalihok sa Maguindanao, Cotabato ingon man sa Sultan Kudarat.
Narekober human sa engkwentro ang M16 rifle, walo ka bala sa M203 rifle, tulo ka cellphone, usa ka long ug duha ka short magazaine sa M16 rifle, upat ka improvised anti-personnel mines, food supplies ugh mga personal nga gamit.
Gi-turn over na ang patay’ng lawas ni Sahak ngadto sa Daliao Brgy. Captain Aladin Tambingag ug Maasim Municipal Kagawad Jovi Apit alang sa tukmang disposisyon.
RadyoMaN Jason Amisola
