Kahasol ug problema ang giatubang karon sa duha ka mga gwadya sa Misamis Oriental Provincial Jail human nakaiskapo ang usa ka inmate niadtong Huwebes.
Matud pa ni warden Dominador Tagarda nga nakaiyas ang ilang piniriso nga si Jonatahn Ramos nga taga Mambatangan, Manolo Fortich human gisugo kini nga maglabay ug basura gikan sa maong prisohan.
Nag-atubang katon sa mga kasong administratibo sila si Rodel Asinero ug Josias Dahuya ug gipasubmit na sa ilang mga written explanations sulod lamang sa 72 ka oras.
Pangutana sa tanan karon kung nganong gitugotan nga makagawas ang maong inmate sa prisohan ug kung ginabuhat ba kini nga sestima sa maong pasilidad. Matud pa sa taho nga usa ka “trustee ang maong inmate ug maoy hinungdan nga misalig na sila niini.
Alas otso kinse sa buntag niadtong adlawng Huwebes nakahigayon ug sibat si Jonathan Ramos nga adunay kaso may kalabutan sa illegal nga droga.
Kauban pa niini sa pag iskapo ang iyang common law wife nga si Mary Jean Mirasol.
