Roxas City, Capiz- Nag-umpisa na sa pagbaton sang aplikasyon sang mga kabataan nga kwalipikado nga mangin iskolar sang probinsya pinaagi sa Aksyon Agad Scholarship Program ni Governor Tony del Rosario.Mahimo lamang nga magpasa sang scholarship application tubtob sa Marso 31 sa opisina ni Community Affairs Office Head Pepe del Rosario.Ini nga scholarship ang wala sang minimum grade requirement kag para sa tanan nga kabataan nga nagabakas sa pagtuon.Kalakip sa mga requirement nga dapat ipasa ang application form nga may duha ka 1×1 ID picture, Certified Machine Copy sang High School Report Card okun Form 137 okon diploma kag Class Cards (grades) sa nakaligad nga semester, barangay certificate of indigence, Certificate of Good Moral Character nagikan sa eskwelahan kag photocopy sang certificate of live birth.Ang amo nga Scholarship Program ang bukas sa pampubliko kag pribado nga kolehiyo sa probinsya sang Capiz kag mangin sa Western Visayas State University sa Iloilo. (c)- Capiz Aksyon News Center
