Davao City- Nagsugod na og dawat og mga aplikante ang Iskolar Ni Juan (INJ), usa ka proyekto sa Gokongwei Brothers Foundation.
50 slots ang available sa maong scholarship alang sa unprivileged youth dinhi sa syudad sa Davao.
Alang sa mga interesado nga mga benepisyaryo, kinahanglang i-take ug ipasa ang exam karong Nobyembre 6, ala 1 sa hapon sa City Library, Sangguniang Panglungsod Building.
Ang maong mga aplikante kinahanglan nga usa ka single Filipino, 17-25 years old, graduate og highschool gikan man sa public o sa Alternative Learning System, dunay good scholastic records, good moral character ug dunay total annual household income nga wala miabot sa 200,000 pesos.
Mamahimong ipasa sa City Library Office ang mga application requirements sama sa accomplished Application Form with 2×2 photo, Transcript of Records ug usa ka page sa essay nga dunay topikong ‘Why do I deserve to be a Gokongwei Brothers Foundation Scholar?’.
RadyoMaN Renz Barbarona
