Napaidalum na sa state of Calamity ang Isla higantes sa banwa sang Carles, Iloilo Bangud sa red tide.
Ini ang ginkumpirmar ni Mayor Segfred Betita matapos maghiwat sang special session kaina sang aga ang Sanguniang Bayan sang nasambit nga banwa.
Suno kay Betita nga wala matigayon kahapon ang special session bangud nagpadulong pa sa isla ang mga SB members kag kaina lamang sila nakahiwat sang special session.
Bangud sini, mahimo na gamiton sang banwa ang calamity fund para mabuligan ang mga pumuluyo nga apektado sang nasambit nga phenomenon.
Ginhatagan pagtamod ni Mayor Betita nga may yara sila sang short term kag long term solution sa nasambit nga problema.
Suno sa iya nga magapanagtag sila sang relief goods sa mga pumuluyo sang Isla higantes bilang kabahin sang short term solution kag magapanghatag man sila sang iban nga palangabuhian lakip na ang paghiwat sang livelihood training sa mga apektado bilang kabahin sang long term solution.
Nahibaluan nga nagabalik-balik lang ang red tide sa kadagatan sang Isla higantes kon sa diin may mga tiyempo nga nagatahaw ini apang liwat naman nga naga-aktibo ilabi na kon mainit ang panahon. (sspunay)
