Davao City – Nanawagan karon ang City Transport and Traffic Management Office (CTTMO) ngadto sa mga pasahero kinsa dili tagdon o balibaran sa mga PUJ ug taxi drivers nga ihatud ngadto sa ilang destinasyon sa pagreport gilayon niini ngadto sa buhatan sa Land Transportation Office (LTO-XI) o sa CTTMO aron mahatagan og aksyon.
Sumala ni Bonifacio Capricho Jr., CTTMO Operations Head, ang ingon niining reklamo personal nilang i-dangop sa ilang buhatan o LTO-XI pinaagi sa pagkuha sa plate number sa maong behikulo tungod kay adunay silot niini nga ipahamtang.
Hinoon gipasabot ni Capricho nga kung mahimo lamang, adunay himoong panagsabot-sabot tali sa driver ug commuter kung nganong dili siya mahatud tungod sa mga kakulian, butang nga angay sabton sa naulahi.
RadyoMaN Bernard Pantallon
