Davao City – Seguridad ug kaapeke sa lugar ang nahimong rason sa pipila ka mga taxi drivers nganong dili sila usahay nagapasakay og pasahero.
Sa pakighinabi sa DXDC RMN Davao kang James Tangcalagan, usa ka taxi driver nga taga 7.5 Matina Pangi, Davao City, nga iyahang ginapangutana ang pasahero sa ilang destinasyon diin ginakonsidera niini ang seguridad labi na sa mga nahitabong aksidente kaniadto sama sa hold-up sa mga mingaw nga lugar sa syudad.
Samtang usa usab ka taxi driver nga si Louie Moril, taga Bago Aplaya, Davao City, nga iyaha sumala pang ginakonsidera ang area o lugar sa pasahero nga dili usab siya maapeke.
Matud pa ni Moril nga adunay mga lugar nga grabe ka apeke sama na lamang sa Trading Boulevard nga adunay panahon nga guot ang traffic diin muabot og tag-usa ka oras ayha siya makagawas rason nga nagdepende usab sa destinasyon ang iyang pagpasakay sa iyang mga pasahero.
RadyoMaN Kirby Manzon
