Isolation wards sa Agusan Sur gipakita ni Governor Cane

57

Gipakita sa ni Gov. Santigao Cane, Jr sa publiko ang bag-ong pasilidad sa Agusan del Sur nga Quarantine/Isolation Wards nga nahimutang Brgy. Consuelo, Bunawan sa nasangpit nga lalawigan.
Sa facebook post ni Gov. Cane iyang gipresentar ang naasyong pasilidad nga nagbaton ug 50 ka mga lawak sa matag usa alang sa mga lalaki ug babaye nga ma-isolate uban ang 8 ka mga shower rooms ug pansayan sa matag lawak niini, usa ka powerhouse, kusina ug kan-anan.
Nagbato usab ug kaugalingong quarters ang mga kawani sa panglawas nga madestino sa maong pasilidad uban ang ilang kaugalingong kaligo-an ug banyo lakip lockers sa tanang mga empleyado.
Makasinati ug hamogaway nga kinabuhi bisan ug ubos sa quarantine ang mga ma-isolate nga indibidwal sanglit airconditined ang tanang lawak niini uban ang 32 inch nga flat screen TV sa matag kwarto ug libreng koneksyon sa Wifi.
Gipakita ni Gov. Cane ang modernong Isolation Facility sa Agusan del Sur uban ang panawagan sa mga pasyenti sa COVID 19 nga dili motagu kondili makig-alayon sa mga tinugyanan sanglit libre man ang ilang temporaryong pagpuyu sa pasilidad hangtud buhian kung luwas na sa virus.
Nahimung malampuson ang pagpabarug sa pasilidad pinaagi usab sa suporta nila ni Cong. Eddiebong Plaza ug Cong. Alfel Bascug sa lalawigan sa Agusan del Sur.
Sa pikas bahin, malipayong gitahu usab ni Gov. Cane nga anaa sa ‘finishing touches’ ang DO Plaza Memorial Medical Hospital Molecular Laboratory nga mo-test sa COVID 19.
Gilauman sa opisyal nga karong buwan sa Disyembre hayan magamit na kini human laumanhg mahidangat na ang tanang gi-order nila nga mga laboratory equipments. [image: agusan sur QARANTIN.jpg]

Facebook Comments