Israelinational nagreklamo matapos pakitaan it kinatawo ko sangka chief cook saBoracay

25

Malay, Aklan — Nagreklamo sa Boracay PNP rong sangka Israeli national matapos nga pakitaan it kinatawo ko sangka chief cook sa isla it Boracay.
Ro biktima hay sangka 23-anyos nga babaye ag nagabakasyon sa isla, samtang ro nasambit nga chief cook hay nakilaea kay alyas “Mikel Jun” 22-anyos, residente it Brgy. Butungan, Estancia, IloIlo ag presente nga nagadayon sa Sitio Bolabog, Balabag, Boracay.
Suno sa report it Boracay PNP, nga nabaton nanda rong report angot sa sangka eaeaki nga nadakpan it mga residente bangud sa pagpangbastos sa sangka turista sa Greenyard Kite Surfing Area sa Sitio Bolabog sa nasambit nga isla.
Insigida nanda nga gin respondehan ag basi sa andang imbestigasyon hay naga yoga rong babaye tag ginpaeapitan it eaeaki ag gin istorya it mga kabastusan.
Uwa imaw ginsapaka it babaye ag ginhambaean eon lang nga maghalin pero bago raya pumanaw hay binuksan na ro anang zipper ag pinakita ra kinatawo sa babaye nga naging dahilan para raya hay suminggit ag nabuoe ro atensyon it mga tawo sa lugar ag imaw nadakpan.
Suno sa suspek anang pag-eaom hay ginapakitaan imaw it motibo ko nasambit nga babaye.
Magapangatubang raya it kasong kasong Grave Scandal.

Facebook Comments

From Advertisers