Davao City – Upat na ka mga drug dens ang na-dismantle dinhi sa Davao Region.
Gibutyag ni PDEA XI Regional Director Antonio Rivera nga kini maoy resulta sa intensified operations nga gihimo sa mga operatiba.
“Trend ni karon nila kay kung makita nila nga kung magbaligya sila sa gawas there is a tendency nga they will be detected and it will lead to their arrest. Fearing they will also be arrested outside so they will maintain a certain area, boarding house o kwarto ba ug katong mga parokyano nila didto nalang pod sila mupalit at the same time didto na pod sila mugamit, aron paggawas nila wala na silay dala,” sumala ni Rivera.
Samtang, pasakaan na og kasong may kalapasan sa RA 9165 karong adlawa ang tanang mga naarestong drug suspects sa sunod-sunod nga operasyon nga gikasa sa Philippine Drug Enforcement Agency XI kinsa mga naaresto niadtong adlawng Sabado sa Tagum City, Davao del Norte.
Na-dismantle atol sa Joint OPERATION sa PDEA-XI uban ang PNP ang drug den sa may Teachers Village, Magugpo South, Tagum City diin nadakpan ang mga High Value Targets nga sila Joey Lusag Viilanueva, Rowena Actub Demetria, Jesson Cirunay Montellano, Janneco Jae Abrencia, Rommel Semblante Abellon, Manuel Aporbo Ayado ug Bienvenido Basilan Quilario diin nakumpiska ang kapin kun kulang 10 grams nga shabu nga mobalor sa P120,000.00.
Sumala sa PDEA atol sa pagpailawom sa drug test si Demetria lamang ang wala nagpositibo.
Apil usab sa mga makasuhan ang duha ka mga suspek nga nasikop sa buy-bust operations sa Purok 6, Berrio site, Brgy San Miguel ug Purok 1-A San Miguel, Tagum City nga sila Andy Valderama Lara and Omar Oliva Diama.
RadyoMaN Aimee Guinita
