Istrikto nga pag-implementar sa curfew for minors sa Iloilo City, ginmandu sang ICPO Director

ILOILO CITY – Ginmandu ni ICPO director PSSupt Henry Biñas ang estrikto nga pag-implementar sang curfew for minors sa syudad.

Sang nagligad nga gab-i, ginlunsyar ang simultaneous operation agud mapasiguro nga wala sang menor de edad nga nagalagaw sa palibot sang syudad halin alas 10 sang gab-i tubtob alas 4 sang aga.

Kabahin sang team sang ICPO sa pagpatuman sang curfew for minors ang city drug enforcement unit kag intel operatives upod ang task force on moral values, barangay officials, CSWDO kag WCPD.

Suno sa ICPO, lauman ang simultaneous operation kada gab-i agud ma-address ang problema sa mga menor de edad sa syudad.