Sumala ni Lorna Mandin, kinsa nangulo sa Davao Inspection Team ang tanang enclosed nga mga establisyemento mandatory nga magpatuman sa DQR gawas lamang sa mga kiosk o gagmay nga mga stalls.
Matud ni Mandin, gipasalig sa mga nanag-iya og bars nga ilang hugot i-imposar ang health protocols sa mga business establishment.
Sumala ni Mandin, mamahimo usab nga ipatuman sa mga establishments alang sa hugot nga measures ang ‘No Vaccine Card, No Entry Policy’ ug uban pang mga rekwisitos una makasulod ang mga customers.
“Ang mga private establishments naa man silay authority for stricter policy, in other establishments naga-require gani og face shields ang customer dapat pod gyod mu-submit kung mao ang gi-require sa establishment,” sumala niini.
Gibutyag niini, ang kapulisan gipakusgan pa ang ilang police visibility, pagsusi sa mga bars ug pagbantay sa mga dagkong tapok kung aduna ba kini permits.
RadyoMaN Aimee Guinita
