CAUAYAN CITY – NILINAW NG PAMUNUAN NG ISABELA STATE UNIVERSITY (ISU) CAUAYAN CAMPUS ANG PANAWAGAN NG CAUAYAN PUBLIC ORDER AND SAFETY DIVISION (POSD) NA BUKSAN ANG LAHAT NG GATE NG UNIBERSIDAD UPANG MAIBSAN ANG TRAPIKO SA F.N. DY BOULEVARD TUWING PEAK HOURS.
SA NAGING PANAYAM NG 98.5 IFM CAUAYAN NEWS TEAM KAY DR. JONATHAN LORD R. AQUINO, DIRECTOR NG OFFICE OF THE STUDENT AFFAIRS AND SERVICES, TANGING MGA MAIN GATE NA LAMANG ANG BUKAS SA NGAYON DAHIL ANG MGA LIKURAN AT SIDE GATES AY ISINARA NA BUNSOD NG PAGTATAYO NG MGA BAGONG GUSALI AT UPANG MAIWASAN ANG PAGGAMIT NG MGA ESTUDYANTE SA MGA HINDI AWTORISADONG RUTA.
DAGDAG PA NIYA, NANG BUKAS PA ANG NATURANG MGA GATE, MAS LALONG BUMIBIGAT ANG TRAPIKO SA PALIGID NG CAMPUS DAHIL NAGIGING KARAGDAGANG ENTRY AT EXIT POINTS ITO PATUNGO SA MASISIKIP NA KALSADA.
PANUORIN ANG KANYANG NAGING PAHAYAG: CLICK HERE!
BILANG SOLUSYON, PINAPAYAGAN NA LAMANG ANG MGA TRICYCLE NA MAY SAKAY NA ESTUDYANTE NA PUMASOK SA LOOB NG CAMPUS PARA SA DROP-OFF POINT. MAY ITINAKDANG ROTONDA SA LOOB UPANG MAKAIWAS SA PAGSISIKIP NG TRAPIKO SA LABAS.
IPINALIWANAG DIN NG PAMUNUAN NA ANG MABIGAT NA TRAPIKO NOONG AGOSTO 11 AY BUNSOD NG OPENING OF CLASSES AT KICK-OFF CEREMONY KUNG SAAN SABAY-SABAY PUMASOK ANG MAHIGIT 7,000 ESTUDYANTE, KABILANG ANG FRESHMEN AT RETURNING STUDENTS.
SA KASALUKUYAN, MAS MAAYOS NA ANG DALOY NG TRAPIKO AT NARARAMDAMAN LAMANG ANG BAHAGYANG PAGSIKIP TUWING ORAS NG PASUKAN AT UWIAN.
