Sa interview sa DXDC RMN Davao kang Edward Macapili, ang Executive Assistant on Information and Communications sa PDRRMO Davao de Oro, iyang gipasabot nga bisan ang Zone 1 lang ang apektado sa landslide, giprayoridad sab ang Zone 2 ug uban pa nga kasikbit nga lugar gumikan NO BUILD ZONE ang kinatibuk-ang Masara.
“Dili ingon nga giuna ang dili landslide victims kay di naman pud papuy-an pud to ang Zone 2. Di naman papuy-an sa MGB kay isa man sila ka evacuation center. So dapat maisa sad sila mga taga Masara. Dapat di na hulaton nga mu-landslide pa una papahawaon. Dako na kaayo na nga tulubagon,” pasabot pa ni Macapili.
Sa pagkakaron, gipanigurado sa PDRRMO nga pantay ang pagtratar sa mga residente ug wala na sab silay angay kabalak-an gumikan provided sila tanan gikan sa pagkaon hangtod sa temporaryong puy-anan.
RadyoMaN Ivy Parido
