Isyu sang lobbying sa pagpasar sang franchise sang bulangan sa Lapuz ginpanginwala ni councilor Mandrei Malabor

ILOILO CITY – Ginpanginwala ni Committee on Games and Amusement Chairman Councilor Mandrei Malabor ang isyu sang lobbying sa pagpasar sang franchise ordinance para sa Rock Well Lumber Cockpit Arena.

Suno kay Malabor nag-apply lamang si Mr. Rogelio Dellomes agud hatagan sang franchise ang Rock Well Lumber Cockpit Arena kag ila lamang gintun-an ang mga legalidad.

Paathag ni Malabor nga ang limit lamang sang committee amo ang paghatag ukon indi sang franchise agud makaoperate sila sang bulangan.

Una na nga naggwa ang isyu sang lobby money nga isa pa ka konsehal ang ginaalegar nagpanawag sa mga kaangay nga konsehal agud maglobby.