Davao City – Arestado ang usa ka IT Specialist sa Datu Ingkal Street, Barangay Poblacion, Kidapawan City, alas 11:00 sa buntag niadtong Martes, Setyembre 15, 2020.
Sa interbyu sa DXDC RMN Davao kang Police Lieutenant Sandique Solaiman, Officer-in-Charge sa Malalag Municipal Police Station (MPS), giila niini ang wanted person nga si Floyd Ceniza Jr., 29-anyos, ulitawo, usa ka Information Technology (IT) Specialist, residente sa Brgy. Sudapin, Kidapawan City.
Gibutyag ni Solaiman nga nahitabo ang insidente niadtong Pebrero 5, 2020 ala 1:00 sa kadlawon sa dihang gisulod sa suspek ang lawak ni alias “Lea”, 34-anyos ug misulay pagmolestiya kaniya diin nasayran nga ka-boardmate sa biktima ang hinigugma sa suspek.
“Habang tulog itong complainant, pinasok ni Floyd madaling araw. Nag complain siya noong February 6, 2020 dito sa Malalag Police Station. Lumabas ‘yung warrant of arrest niya July 22, 2020,” saysay ni Solaiman. Depensa sa suspek nga hubog siya rason nga nabuhat niini ang insidente.
Nag-atubang ang suspek sa kasong Acts of Lasciviousness ug karong adlawa (September 17, 2020) planong mo-piyansa ang suspek sa kantidad P36,000.00, alang temporaryong kagawasan.
RadyoMaN Kirby Manzon
