Manila, Philippines – Itinanggi ng anak ni Davao del Norte Representative Pantaleon Alvarez na si Finance Assistant Secretary Paola Alvarez na itinago niya ang mace ng Kamara.
Ito ay matapos mag-viral sa social media ang kaniyang litrato hawak ang mace na simbolo ng kapangyarihan ng Kamara at itinatayo sa podium ng speaker tuwing may sesyon.
Ayon kay Paola, tapos na ang State of the Nation Address (SONA) ng Pangulo nang magpakuha siya ng litrato hawak ang mace.
Sabi pa ni Alvarez, hindi niya alam kung paano kumalat ang kaniyang larawan gayung naka-private ang settings ng kaniyang instagram account.
Aminado naman si Alvarez na alam ng kaniyang ama ang nangyari.
Paglilinaw pa ni Alvarez, wala naman siyang magagawa kahit alisin pa bilang speaker ang kaniyang ama.
