Binungguan sang firetruck sang Federation volunteer fire brigade ang fire truck sang Jaro fire station sa ginsang-an sang dalan Delgado-yulo City proper malapit sa Amigo Terrace Hotel kagab-i sang nag responde sa sunog.
Nahibalu-an wasak gid ang panguna nga bahin sang fire truck sang Jaro BFP kag naipit ang 4 ka mga bombero nga sakay sini.
Ang mga bombero nga pilason amu sanday FO3 Franky Octavio, 37 anyos kag residente sang Oton nga naka agom sang sisi sa iya agtang nga gin dala sa Iloilo Mission Hospital, F03 Wyndell Barrientos, sang Dumarao, Capiz nga may pilas kag fractured ang tuo nga paa nga gindala sa Iloilo Doctors Hospital, FO3 Val Ceazar Divinagracia, 37 anyos sang Dumangas Iloilo nga naka agom sang madamu nga gasgas sa nagkalain lain sang iya lawas, pag banog sang baba kag gin dala sa Iloilo St. Pauls Hospital kag FO1 Jomille Edrosolano, 27 anyos sang Buhang Jaro.
Nahibalu-an may isa man ka taxi unit ang nakaagom sang damaged bangud sa insidente.
Ginkilala naman ang driver sang Federation Volunteer fire brigade nga si Ramil Teope, 47 anyos sang Habog habog, Molo.
