Ivermectin batok COVID-19 wala girekomenda

31

Davao City – Nagpahimangno si Davao City Mayor Sara Duterte-Carpio nga dili i-endorso ang paggamit og Ivermectin o giingong tambal sa Coronavirus Disease 2019 (COVID-19) o proteksyon batok sa maong virus.

Matud ni Mayor Sara, walay natalang nagagamit niini dinhi sa syudad sa Davao, apan adunay mga reported nga naggamit ug nagdistribute niini sa ubang lugar sa Pilipinas.

Girespito matud pa kadtong mga indibidwal nga nangita og tambal o proteksyon batok COVID-19, apan dili lamang i-share sa uban ilabi na kung wala kini nasulayi ug naaprobahan.


“We request nga dili nila i-endorse ang mga produkto or ireseta ang produkto sa ilahang mga kaila, sa ilahang mga pamilya because Ivermectin has not yet proven to cure COVID-19, has not yet proven to provide prophylaxis,” segun sa alkalde.

Gipasabot ni Mayor Sara, ang makahatag og impormasyon kung unsay angay himuon mao ang mga hingtungdang ahensya o buhatan sama sa World Health Organization (WHO), Department of Health (DOH), Food and Drug Administration (FDA), mga doktor labi na kadtong mga infectious disease specialist, diin wala pay gipagawas labot niini ang nahisgutan.

RadyoMaN Kirby Manzon



Facebook Comments