Kalibo, Aklan — Linibong tawo rong nagsaksi kabii sa ginhiwat nga pagpahayag kung “Iwag it Kalibonhon sa Kalibo Pastrana Park.
Ro nasambit nga programa hay may temang “Iwag it Kalibonhon para sa mahayag nga paeaabuton” kung sa siin dag-unan raya nga ginahiwat.
Gin umpisahan ro nasambit nga programa it Lantern Parade nga kabahin it Parol Making Contest halin sa Kalibo Magsaysay Park paadto it Kalibo Pastrana Park nga ginpangunahan ni Mayor Emerson Lachica ag ko mga Sangguniang Bayan members it Kalibo.
Ginsundan rayon it programa kung sa siin naging bisita si 1st District Congressman Carlito S. Marquez ag pila ka mga provincial board members.
Ginsundan rayon ko pag switch on ko mga Christmas lights ag ko giant Christmas tree nga nga nagataas it 72 feet.
Naging masadya pa gid ro nasambit nga kahiwatan matapos nga magkaangkon it fireworks display.
Mag- eowas kara magapanupod man it mga regalo sa mga unga rong munisipyo ag sari-saring grupo umpisa December 16 hasta January 6, 2020 nga may tigueong “Santa sa Plasa”.
