IWAS PAPUTOK | DOH-Capiz, nakapagkit na sang duha ka mga biktima sang palupok bug-os nga probinsya

393

CAPIZ – Nakapagkit na sang duha ka mga biktima nga nalukpan sang palupok ang Department of Health (DOH-Capiz). Ginpahayag ni Mr. Joeffry Espiritu, Development Management Officer IV sang DOH-Capiz nga ang una nga nabiktima sang palupok ang nagapang-edaron sang 38 anyos sang Barangay Dumulog, Roxas City nga nalukpan sang kwitis sa iya nawala nga kamot.
Base sa imbestigasyon sang DOH, ginsindahan sang biktima ang kwitis apang wala naglupad kag naglupok ini nga nagresulta sang pagkapilas kag pagkapaso sang iya kamot. Gilayon naman nga nakagwa sang ospital ang biktima matapos nga madapatan sang nagakaigo nga pagbulong.
Samtang nag-angkon man sang paso sa sag-ang ang issa ka anum ka tuig nga bata nga babaye matapos malukpan sang buga sa Barangay Bergante, Mambusao, Capiz. Suno kay Mr. Joeffry Espiritu nga naigo lamang sang kalayo ang biktima sang may nagpalupok sang buga sa nasambit nga lugar. Nahibaluan nga ang bata nga biktima ang residente sang Barangay, Agambulong, Jamindan, Capiz.
Liwat naman ginpahanumdum ni Espiritu ang publiko nga maggamit na lamang sang iban nga alternatibo kabaylo sang palupok sa pagsug-alaw sang Bag-ong Tuig.
Sa madumduman nga nagsugod ang monitoring kag reporting sang DOH-Capiz angut sa firecracker related incidents kag injuries sadtong Disyember 21, 2018 kag magatakop sa Enero 5, 2019.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments