Dipolog City-Usa ka Media Forum kabahin na sa Iwas Paputok , Fireworks Display ang Patok nga gipangunahan sa Department of Health (DOH) Regional Office 9 uban sa pakigtambayayong sa Provincial Health Office sa Zamboanga del Norte , kagahapon sa buntag Disyembre 06 didto sa Mibang Hotel , ning siyudad sa Dipolog.
Sentro sa maong Media Forum mao ang Iwas Paputok karon umaabot nga kapaskuhan sa tuig 2018.
Si Police Chief Inspector Vedasto Dasmariñas III , Chief sa Operation sa Zamboanga del Norte Police Provincial Office ang mituki sa Republic Act 7183 , Executive Order No. 28 , DILG Memorandrum Circular 2016-176 ug ang Firecrackers Related Incidents.
Usa sa gihisgutan niini kabahin na sa RA. 7183, diha sa pagregulate ug pagcontrol ,sa pagbaligya ug paggamit sa mga firecrackers ug pyrotechnic devices.
Gipahimangno usab ni PCI Dasmariñas sa maong balaudnon, ang mga gitugot ug ginadili nga mga pabuto, ug mga silot kung gali adunay mga masakpan nga nagbaligya sa mga ginadili na pabuto.
Samtang mipahibalo usab ang mga personahe sa Bureau of Fire Protection sa ilang papel ug kaakuhan nga katimbaya ang kapulisan , DTI ug LGU diha sa kampanya sa Iwas Paputok sa DOH dinhi sa probinsya sa Zamboanga del Norte.
Sa presentasyon usab ni Mr. Ralph Vincent Ang , Health Education and Promotion Officer sa Provincial Health Office , mikunhot ang kaso sa mga nabiktima sa pabuto kaniadtong tuig 2017 hangtud sa January 2018, duha na lamang ang biktima sa pabuto, gikan sa 4 kaniadtong Tuig 2016.
Ug gilauman sa DOH karon 2018 mas mukunhod pa ang insidente sa firecrackers ug pyrotechnic devices.
Adbokasiya sa DOH ang ilang kampanya batok na sa pabuto ug ang sagad nahimung biktima niini kadaghanan mga kabataan nagpangidarun og 10 hangtud sa 14 anyos.
Giawhag usab sa DOH ug sa PNP , ang mga Local Chief Executives , magtutudlo , ginikanan ug mga kabataan nga musanong sa ilang adbokasiya og programang Iwas Paputok , Firecrackers Display ang Patok.
Ang maong Media Forum sa DOH , gitambongan kini sa mga miyembro sa Media , Health Education and Promotion Officers gikan sa nagkalain-laing lungsod , PNP ug Bureau of Fire Protection.(PIC-ZSM)
