Iyaan gitulis ug gidunggab-patay sa pag-umangkon, mga suspek arestado

121

*Davao City – *Gibalhog sa selda sa kapolisan sa lungsod sa Compostela, Davao de Oro ang duha ka mga suspetsado sa pagtulis ug pagluba-patay sa usa ka negosyante.

Kini human nga nadakpan ang duha pinaagi sa hot pursuit operation nahitabo ala una ang takna sa hapon dinhi sa purok 13, barangay Poblacion, Compostela, Davao de Oro.


Mga dinakpan giila sa kapolisan nga sila si Joseph Rufano, 29 anyos, residente sa nahisgutang lugar ug pag umangkon sa biktimang si Gilda Estrada, 64 anyos, samtang giila usab ang usa nga si Carlo Jay Lopena, 18 anyos, ulitawo, residente sa susamang lugar.

Kahinumduman gitulis sa duha ka suspetsado ang biktima nga samtang padulong nang manirado sa iyang tindahan ug kini giluba hinungdan sa kamatayon.

Sa pagpanubay sa kapulisan, personal nga bangi ang motibo sa krimen.

RadyoMaN Julito Catisay




Facebook Comments