Sa pakighinabi sa DXDC RMN Davao kang Mailyn Teorima, iyang gibutyag nga niadtong tungora nag-process sa dokumento ang inahan ug ang amahan tua sa last vigil sa igsuon niini.
Dugang pa nga ang duha ka mga manghud nag edad 11 ug 9 anyos ang naga atiman sa mga batang naapil sa sunog apan niadtong tungora niapas sila sa ilahang amahan hinungdan nga nahibilin sa panimalay ang duha.
“Sakit kaayo huna hunaon nga nakita pa namo sila pag gikan namo kay bag-o rasad mi nanguli atong niaging adlaw lang. Pagtalikod namo ing-ana na ang nahitabo. Nakauli nami ma’am, naghisgot gyud pud mi sa akong bana atong tungora nga kung pwede palang kuhaon na lang namo ang mga bata aron maatiman og kaon kay naluoy lagi mi adtong didto mi pero natingala nalang ko naay nanawag namo taud-taod nga ang mga bata nanga-ugdaw na,” matud ni Teorima.
Gani karon andam ang pamilya nga mudawat og tabang aron sa pagpahilona sa mga bata ilabi na nga walay klarong pangita ang ilang amahan nga mag-uuma.
“Kung kinsa man tong adunay mga malumong kasing-kasing nga buot mutabang sa akong mga ig-agaw nga mipanaw na, sa pamilya nga nabilin. Unta matabangan nato sila bisan unsa nga tabang, magamay man o madako,” panawagan pa sa iyaan.
RadyoMaN Ivy Parido
