Davao City – Dugay nang problema ang jail congestion sa nasud apan hangtud karon wala pa gyod kini mahatagi og sulbad sa miagi ug sa kasamtangang kagamhanan.
Apen segun ni Magdalo Partylist Representative Gary Alejano nga mas misamot pa ang jail congestion sukad gikasa ni Pres. Rodrigo Duterte ang giyera kontra droga sa nakalabay’ng duha ka tuiga.
Samtang wa’y puas ang pagpanakop sa kapulisan sa mga drug pushers ang presenteng gobyerno wa’y lakang aron padak-an ang mga presohan nga magtuldok unta sa congestion, dugang ni Alejano.
Gitulisok usab sa Magdalo representative ang mga huwis tungod sa kahinay sa paghukom sa mga kaso nga nagpalungtad sa mga akusado sa mga prisohan ug mao kini ang rason sa nasinati nga jail congestion.
Midugang pa og pagpuna ang magbabalaud kang Duterte gumikan sa ka-walay konkretong aksyon maingon man pag-ayuda sa mga lokal nga kagamhanan sa pagsulbad sa jail congestion.
RadyoMaN Joel Viray
