Davao City – Giangkon sa Bureau of Jail Management and Penology (BJMP-XI) nga dasok ug guot na kaayo ang mga presohan sa tibuok nasud tungod sa pagdaghan sa mga napreso sukad gisugdan ang giyera kontra droga sa administrasyong Duterte.
Matud ni Jail Inspector Dinah Buslig, nag-unang problema karon sa BJMP mao ang congestion sa mga presohan ug kini mas musamot pa gumikan sa padayon nga war on drugs ug pagsikop sa mga kriminal.
Giingon ni Buslig nga dakong tabang sa pag-decongest sa mga presohan ang balaodnon nga giduso ni Sen. Richard Gordon nga ipailawom na lamang sa community service kadtong dunay gaan lang nga mga kaso imbes nga presohon.
Dili kumbinsid si Buslig sa rason sa uban nga basin makapadasig na hinoon sa kadaghanan ang nasangpit nga balaud sanglit dili man sila ma-balhog basta gaan lang ang kaso nga ilang mahimo.
Tambag ni Buslig ngadto kang Gordon mao nga tun-an og maayo ang mga salaud nga puwedeng silotan sa community service aron maseguro nga walay bug-at ug dagko nga kasong mabulahan ning gikasugyot nga legislative proposal.
RadyoMaN Joel Viray
