By: Edgar T. Dagumo
Zamboanga del Norte- Ang gibantog nga mga hari sa Politika sa dakbayan sa Dapitan, Dipolog ug probinsya sa Zamboanga del Norte gilauman nga maghiusa sa kusog sa pagsuporta sa mga programa sa administrasyong Duterte kini human nanumpa na sa bandong PDP=Laban si Governor Roberto Uy ang kasamtangang gobernador sa probinsya sa Zamboanga del Norte ug mga kaubanan ug hingpit na gitalikdan ang liberal party (LP).
Ang Zamboanga del Norte gilangkoban sa duha ka dakbayan Dipolog nga giukoban sa pamilyang Uy ug Dapitan City ang balwarte sa mga Jalosjos.
Kining duha ka mga bansagon naila sa ilang pagka dominante sa natad na sa politika ug hugot nga magka ribal ug kaaway panahon na sa eleksyon.
Sa miaging eleksyon 2016 mibalik sa pagpapili si kanhi Gobernador Rolando Yebes nga kaanib sa puwersa sa mga Jalosjos apan gipukan siya ni incumbent governor Roberto Uy samtang human sa piniliay nasayran nga ang grupo ni Yebes ug mga Jalosjos misuporta sa administrasyon sa bag-ong napili nga presidente sa nasud Rodrigo Duterte.
Takos kahinumduman nga sa 2016 presidential elections ang PDP-Laban ni Senator Koko Pimentel nga maong chairman sa partido misagop kang Duterte aron maoy standard bearer sa maong partido pagka presidente samtang ang mga UY sa Dipolog City ug Zamboanga del Norte nagpabiling “Yellow” color sa Liberal Party ni kanhi pamuno nasud Noynoy Aquino,Mar Roxas ug mga kaubanan.
Sa daklit nga panahon, sa pagtuyok sa mga panghitabo nagkadaghan nga mga partido ang mipasakop na sa PDP-Laban ni Senator Koko Pimentel ug usa na niinisi governor Uy ug mga kaubanan ug gani sa pamahayag pa ni vice governor Angeles sa interview sa DXDR RMN Dipolog sa Straight to the Point program hugot na karon sila nga nagsuporta sa programa ug ma polisiya sa administrayon ni pamuno nasud Duterte.
Susamang komitado sa pagsuporta sa kasamtangang administrasyon ang grupo sa administrasyong Uy ug mga Jalosjos ug kaubanan bisan pa kon managlahi ang partido politikal ang mga bantogan ug inila sa politika sa Zamboanga del Norte magkauban na ug magkahiusa apan sa programa lamang ni pamuno nasud Duterte.
Unsay inyong ikasulti niini? palihog ug type sa inyong komentaryo ug suggestion ubos niining bahin!
