Davao City- Samdan sa kamot ang usa ka Janitor human giluba sa boyfriend sa babaye nga iyang gikauban sa boarding house.
Mi-ulbo sa kasuko si Albert John Sy human iyang naabtan si Mark Leyn Delpin nga nakig-uban sa iyang girlfriend sa suspek nga si Lynjoy Gavino sulod sa boarding house sa may Sasa 3:40 sa kadlawon.
Mikuha matud pa og kutsilyo ang suspek ug duslak sa biktima mao nga samdan ang kamot niini.
Wala pa matagbaw si Sy, iyahang gisumbag sa nawong ug likod ang biktima nunot sa gibating selos sanglit dili buot niini mailog sa laing binuhat ang iyang hinigugma.
Apan suma pa ni Lyn Joy, iyaha nang gibulagan ang suspek rason sa iyang pag-abli sa iyang pagbati ngadto kang Delpin butang nga dili madawat sa suspek.
Gi-imbistigahan na karon sa Sasa PNP ang mao nga insidente.
RadyoMan Joel Viray
