Japanese encephalitis drive gipakusgan

160

Davao City- Gi-intensify sa Davao City Health Office ang ilang kampanya kontra dengue, Japanese encephalitis ug uban pang mga mosquito-borne diseases.

Sumala ni CHO Tropical Division Pest Control Worker II Melodina Babante nga karong ting-ulan hugot ang ilang pagmonitor sa mga barangays sa Davao City partikular na sa Talomo areas diin taas ang kaso sa dengue ug sa mga posibleng mga kaso sa Japanese encephalitis.

Gipakusgan pa sa CHO ang ilang paghatag og impormasyon ug edukasyon sa komunidad aron malikayan ang pagpangitlog sa mga lamok nga gadala’g sakit nga dengue ug Japanese encephalitis.


Kahinumduman nga dunay usa ka kaso sa Japanese encephalitis ang Davao City miadtong tuig 2015.

Sa gihimong imbestigasyon kaniadto sa CHO sa maong pasyente, nasayran nga nakuha niini ang sakit didto sa M’lang North Cotabato ug dinhi na kini nagpaalim sa dakbayan.

Gipasabot ni Babante nga ang lamok nga culex nga nagdala’g virus nga Japanese encephalitis pwede kining mupaak adlaw man o sa gabie ug wala kiniy pili kay mamahimo kining mangitlog sa limpyo o hugaw nga tubig.



Gidasig ni Babante ang publiko nga pirmamentihon ang paglimpyo sa ilang mga panimalay ug palibot aron luwas sa dengue ug Japanese encephalitis.

Kasamang Aimee Guinita


Facebook Comments