Posible nga pagahugton sang Iloilo City Police Office ang seguridad sa kapiyestahan sang Jaro sa maabot nga Pebrero 2.
Ini ang ginpahayag ni ICPO spokesperson Police Sr. Inspector Sheila Mae Sangrines matapos ginmandu ni PRO-6 Director Chief Supt. John Bulalacao nga mag-doble alerto ang kapulisan kasunod sang pagpangbomba sa Cathedral sa Jolo, Sulu sang nagligad nga adlaw.
Suno kay Sangrines nga may hiwaton pa sila nga security meeting agud i-finalize ang igaplastar nga security plan sa Jaro Fiesta.
Ginhatagan pagtamod ni Sangrines nga apisar nakasentro lang sa Jaro District ang kahiwatan apang posible suno sa iya nga maga-augment ang mga pulis gikan sa nagkalain-lain nga presinto aguid masiguro nga mabantayan sang hugot ang Fiesta sang Jaro.
