JBC, may shortlist na para sa binakanteng pwesto sa Korte Suprema ni retired Associate Justice Priscilla Baltazar-Padilla

May shortlist na ang Judicial and Bar Council para sa binakanteng pwesto sa Korte Suprema ni retired Associate Justice Priscilla Baltazar-Padilla.

Walong aplikante ang pasok sa shortlist ng JBC na isusumite sa Malacañang para mapagpilian ni Pangulong Rodrigo Duterte.

Lima sa mga ito ay mahistrado ng Court of Appeals na sina Justices Ramon Cruz, Japar Dimaampao, Maria Filomena Singh, Jhoseph Lopez at Apolinario Bruselas.

Kasama rin sa shortlist sina Court Administrator Jose Midas Marquez, Sandiganbayan Presiding Justice Amparo Cabotaje- Tang at dating Ateneo Law Dean Sedfrey Candelaria.

Si Padilla ay Maagang nagretiro bilang associate justice ng SC noong November 3, 2020.