Davao City – Padayon ang imbestigasyon sa Los Amigos Police Station (PS) sa insidenteng pagpusil-patay sa usa ka jeep driver sa Purok 8-A, Campo 5, Barangay Los Amigos, Tugbok District, Davao City alas 5:47 sa hapon, July 13, 2023.
Sa report sa Los Amigos PS, giila ang biktima nga si Michael Justine Bangoy, 26 anyos, minyo, Public Utility Vehicle (PUV) driver ug residente sa nahisgutang lugar.
Sa imbestigasyon, nag-park sa jeep ang bitkima uban ang konduktor nga si James Yawan sa dihang kalit na lamang mibutho ang usa ka mamumuno sakay sa motorsiklo ug gipusil sa makadaghang higayon ang biktima rason sa iyahang hinanaling kamatayon. Samtang, gilayon usab nga misibat ang suspek.
“Ongoing pa gihapon ang investigation. Nag-conduct pa sila og hot pursuit operation, sulti ni Police Major Elisa Ramirez, station commander sa Los Amigos PS sa interbyu sa DXDC RMN Davao.
Sa pagkakaon, padayon pang ginasuta ang motibo sa krimen.
RadyoMaN Kirby Manzon
Facebook Comments
