Gisikop sa kapulisan sa El Salvador City Police Station ang usa ka wanted person nga nakasupak sa balaod trapiko mga alas 9 kaganihang buntag sa Zone 1, Sambulawan, El Salvador City, Misamis Oriental.
Kini ang gibutyag ni Police Supt. Randy Ticson Anito, Acting Chief of Police sa El Salvador City Police Station sa interview sa dxCC-RMN.
Matud ni Supt. Anito nga ang suspek mao ang 29 anyos nga si Reymond Cajilla, minyo, jeepney driver ug residente sa nasangpit nga dapit.
Ang warrant of arrest ni Cajilla gi-isyu ni Hon. Eleuteria Badoles-Algodon, Presiding Judge sa MTCC, Branch 2 ning syudad sa Cagayan de Oro.
Facebook Comments
