Sa isang press conference para sa darating na concert ni Jessa Zaragoza, sinabi ng singer-actress na inaksyunan na nila ang death threat mula sa isang netizen na natanggap ng kanyang anak, Jayda Avanzado, kamakailan lang.
“Oo, inaksyunan namin yon – legal. Minor siya e. May hangganan naman ang pagpapasensya e. Sumobra na. Hindi puwedeng joke joke lang ‘yun ‘di ba? Kailangan maging responsable ka sa mga salitang lumalabas sa bibig mo,” ani Jessa.
Kahit aniya matapang si Jayda, ikinatakot nito ang natanggap na death threat dahil na rin aniya “hindi maaasahan ang mga kayang gawin ng kabataan ngayon.”
“Ako, bilang nanay, ginawa ko lang yung nararapat na gawin.”
Matatandaang ipinost ni Jessa Zaragoza sa Instagram ang pagkadismaya nito sa ilang komento ng mga netizen sa kanyang anak.
