BACOLOD CITY – Ginabulubanta nga nagdangat sa kapin P170 mil pesos ang balor sang suspected shabu nga na recover halin sa duha ka mga suspek sa ginpatigayon nga buybust operation mga las 5 kahapon sang hapon sa Villa Homes, Brgy. Vista Alegre, Bacolod City.
Ang nadakpan amo sanday Jet Ramos, 36 anyos, single kag residente sang Zone 4, Brgy. Osmeña, banwa sang Hinigaran kag si Rizalde Sison, 42 anyos sang San Matias St., Villa Homes, Brgy. Vista Alegre ciudad sang Bacolod.
Si Jet ang bata sang kilala man nga drug personality sa Hinigaran nga si Jessie nga una man nga nagpatunda sa DILG sadto sa diin nagpanginwala sang ila kahilabtanan sa drug trade.
Ginpatigayon mismo sang Regional Drug Enforcement Unit ang raid sa idalum sang supervision sang DRDU/RDEU Supervisor nga si Police S/Supt. Remus Zacharias Cañeso lakip na sang Police Station 7 sa pagpanguna naman sang hepe sini nga si PCI Ramel Sarona.
Na-recover sa possession sang mga suspek ang 5 ka sachet sang suspected shabu nga may estimated street value nga kapin P170 mil pesos, isa ka canister nga suludlan sang suspected shabu kag marked money.
Sa karon ara sa custodial facility sang Police Station 7 ang mga nadakpan nga suspek./dyHB BACOLOD
