Nagsalita na ang singer-composer ni Jim Paredes kaugnay sa umano’y video scandal nito na kumakalat ngayon sa social media.
Matapos na unang sabihin na peke ang video, inamin na ng singer na totoo ang alegasyon na mayroon siyang sex video.
Sa statement sa jimparedes.com, sinabi ng singer na mahirap sa kanya ang pagsulat ukol sa sex video at masakit naman ito para sa mga makakabasa.
Ayon sa dating Apo Hiking Society singer, totoo ang video pero ito aniya ay pang pribado lamang at hindi para sa publiko.
Hindi alam ng singer kung paano kumalat ang video pero nagpahiwatig ito na posibleng may halong pulitika ang paglabas nito.
Nang makita umano ni Paredes ang video sa social media ay hindi niya alam kung paano ito sasagutin.
Pero matapos mag-isip at magdasal ay nagdesisyon itong aminin ang video.
Sa huli ng kanyang pahayag ay humingi ito ng paumanhin sa kanyang pagiging iresponsable at sa mga nadismaya sa kanya.
Si Jim Paredes o Jaime Ramon Paredes sa tunay na buhay ang nasa likod na mga ilang sikat na awitin tulad na “Batang Bata Ka Pa” , “When I Met You” , “Yakap sa Dilim” , “Bawat Bata” , “Libog Lang Yan” at marami pang iba.
